Madaxweynaha Mareykanka Donald Trump ayaa soo dhoweeyay kulanka dhexmaray labada hogaamiye ee W/ iyo K/Kuuriya,kaas oo uu ku tilmaamay in uu irdaha u furayo heshiis guud oo laga yeesho arimaha hubka niyuklerka.
M.Trump waxa uu dhanka kale sheegay inuu sii wadi doono cadaadiska uu ku hayo Kuuriyada Waqooyi si uu isugu dayo in gacanka Kuuriya looga ciribtiro hubka nukliyeerka.
Hadalkiisa ayaa imanaya kaddib shirkii guusha ku soo dhamaaday heeshiiskii dhexmaray hogaamiyayaasha labada Kuuriya, shirkaas oo labada hogaamiye ee Waqooyiga iyo Koonfurta ay ku sheegeen inay si caadi ah u soo afjari doonaan dagaalka Kuuriya kaddib 70-sano oo khilaaf ah
Dalal kale ayaa soo dhoweeyay tallaabada ay qaadeen hogaamiyaaasha labada Kuuriya,waxaana qalabka warbaahinta ee labada caasimadood ay baahinayaan warar laab -qaboojin ah oo aan laheyn wax xiisad ah.
