Madaxweynaha Dowlad Gobolleedka Puntland Dr Cabdiwali Maxamed Cali Gaas ayaa lagu wadaa inuu booqdo deegaannadii Ciidamada Puntland dhawaan ay kula dagaallameen Al-Shabaab.
Dr Cabndiwali Gaas ayaa sheegay xilli shalay uu booqday Xiryaha Ciidamada Puntland ee Garoowe in markasta ay ka guuleysan doonaan cidkasta oo ku soo duusha Puntland.
Madaxweynaha Puntland Cabdiwali Gaas oo ay la socdaan Saraakiisha Ciidamada Puntland ayaa gaari doona deegaanka Garacad oo ah halkii ugu horreysay ee Al-Shabaab doonyaha kaga soo dageen 14-kii bishan.
Kormeerkaan ayaa ah mi lagu dhiirri galinayo Ciidamada Puntland ee jooga Aagagga Dagaalka ee wali diyaarka u ah la dagaallanka Argagixisada Alshabaab.
Dowlad Gobolleedka Puntland ayaa maalin ka hor ku dhawaaqday inay si rasmi ah u soo afjartay howlgalkii Suuj, kaas oo lagu dilay illaa 160 dagaalyahan, ayna ku qabatay maxaabiis ka badan sodon ruux.
