Madaxweynaha Dowlad Goboleedka Hirshabeelle Mudane Cali Guudlaawe Xuseen ayaa caawa Xarunta Madaxtooyada ku qaabilay Maxamed Aaden Daahir iyo Maxamed Abuukar Isloow oo xalle labaduba loo doortay Xildhibaannada Golaha Shacabka.
Murashax Mohamed Adan Daahir ayaa ku guulaystay kursiga tirsigiisu yahay HOP#135 ee BFS oo doorashadiisa ka qabsoontay Magaalada Jowhar ee caasimadda Dowlad goboleedka Hirshabeelle.
Sidoo kale, Murashax Mohamed Abuukar Islow ayaa ku guulaystay kursiga tirsigiisu yahay HOP#141 ee BFS oo doorashadiisa ka qabsoontay Magaalada Jowhar ee caasimadda dowlad goboleedka Hirshabeelle.
Madaxweynaha ayaa Xildhibaannada ugu hambalyeeyay doorashadooda xallay waxa uuna kula dardaarmay u shaqeynta bulshada Hirshabeelle iyo guud ahaan shacabka Soomaaliyeed.
