Dowladda Canada ayaa ku dhawaaqday in dib u dejin ay u sameyn doonto turjubaanadi, shaqaalihi ka hawl galayay safaaradooda wadanka afghanistan.
Sarkaal ka tirsan wasaaradda muhaajiriinta ayaa shaaciyay in sababta ay u qaadayaan shaqaalahaasi oo u dhashay Afghanistan ay tahay in ay yihiin bartilmaameedka koobaad ee ururka Daalibaan.
Wasiirka socdaalka ee Canada marco mendicino, ayaa sheegay in kumanaan ruux ay keeni doonaan dalkooda balse dadka ugu horeeya ay noqon doonaa shaqalaaha safaaradooda.
Dowladda Canada ayaa xustay in dadka muhiimada ugu badan ay siineyso ay yihiin turjubaanadooda oo sida ugu dhaqsiyaha badan la keeni doono Canada xilli ciidamada mareykanka ayaa ka sii baxayaan dalka Afghanistan.
