Madaxweynaha Jamhuuriyadda Federaalka ah ee Soomaaliya Mudane Maxamed Cabdullaahi Maxamed Farmaajo ayaa ka qeyb galay caawa tartanka kubadda cagta ee degmooyinka oo Xulka degmada Waaberi ay ku guuleystey ciyaaraha degmooyinka gobolka Banaadir kadib markii 1-0 ay uga adkaadeen cayaartooyda xulka degmada Shibis.
Ciyaarta kama dambeysta ah ee tartanka ciyaaraha degmooyinka gobolka banadir oo xilli habeenimo la qabtay ayaa waxaa daawashadeeda sidoo kale ka qeyb galay madax ka tirsan dowlada Federalka, mas’uuliyiinta cayaaraha, marti sharaf iyo dadweyne aad u fara badan.
Cayaarta oo ahayd mid xiiso gaar ah wadatay ayaa dadkii ka soo galay waxa ay ku qanceen hanaanka ay labada xul u soo bandhigeen cayaarta kubadda cagta ah.
Ugu dambeyn cayaarta ayaa waxay ku soo idlaatay 1-0 oo ay guusha ku raacday cayaartooyda Xulka kubadda caggta ee degmada Waaberi, waxaana socda fantasiyaha iyo dabaaldegyo ay wadaan taageerayaasha degmada Waaberi.
