Waxaa magaalada Muqdisho ka socda tartanka Kubadda Cagta ee maamul gobaleedyada iyo Gobalka Banaadir, kaasi oo galabta Tuulada cayaaraha ee Stadium Muqdisho isku fara saaray labada Xul ee kala matalaya maamulka Gobalka Banaadir iyo Dowlad Goboleedka Koonfur Galbeed Soomaaliya.
Tuulada cayaaraha ayaa waxaa galabta si aad ah u soo camiray tageerayaal aad u fara badan, kuwaas oo kala taageerayay labada Xul ee kala ah Gobalka Banaadir iyo Koonfur Galbeed.
Labada Xul ayaa soo bandhigay cayaar ku dhisan weerar iyo weerar celis, waxaana ay abuureen fursado ay goolal ku dhalin kareen, iyadoo qeybta 1-aad lagu kala nastay barbar dhac 0-0.
Qeybta labaad ee Ciyaarta ayaa labada dhinac narkale waxa ay abuureen fursado muhiim ah, waxaana ay cayaarta ku soo idlaatay 1-0 oo ay ku badiyeen Xulka Kubadda Cagta Gobolka Banaadir, waxaana halkaas ay guusha ku raacday Maamulka Gobalka Banaadir.
