Shan gool uu dhaliyay shan kulan bishii December waxa ay u aheyd bil fiican weeraryahanka kooxda Queens Park Rangers Charlie Austin,isagoo ka caawiyay kooxdiisa labo guul iyo barbaro,iyagoo u dagaalamaya inay sanadka soo socda baaqi ku sii ahaadaan horyaalka Premier League-ga.
Ciyaaryahan Austin oo 25 jirkaan weerarkana ka ciyaara ayaa la gudoonsiiyay abaalmarinta bilaha ee Barclays Premier League.
Weeraryahanka kooxda Queens Park Rangers Charlie Austin ayaa yiri: “Waan ku faraxsanahay in la ii magacaabo xiddigii ugu fiican bishii December horyaalka Premier League-ga, Waan u mahadcelinayaa cid walba oo ii codeysay, Ma aanan helin laheyn abaa-lmarintan asxaabteyda kooxda la’aantooda.”
Geesta kale tababaraha kooxda Manchester City Manuel Pellegrini ayaa isna loo magacaabay tababaraha bishii December ugu fiicnaa horyaalka ingiriiska ee Premier Leagug-ga, isagoo kooxdiisa ku hogaamiyay shan guul oo xiriir ah oo horyaalka ah,guulahaas oo ka soo bilaawday kulankii ay 4-1 kaga badiyeen kooxda Sunderland.
Guulihii ay ka gaareen kooxaha Everton, Leicester City, Crystal Palace iyo West Bromwich Albion ayaa sii raacay.
Kooxda Burnley ayaa ka diiday inay helaan seddexda dhibcood kulankoodii ugu danbeyay sanadkii 2014,waxana ay ku kala baxeen barbardhac 2-2 ah.
Macalin Pellegrini ayaa bishii December helay 16-dhibcood,halkii laga rabay 18-dhibcood.
Macalin Pellegrini ayaa waxaa abaal-marintan kula tartamayay tababaraha kooxda Chelsea Jose Mourinho.
