Kooxda Chelsea oo hogaamineyso horyaalka ingiriiska ayaa garoonkeeda Stamford Bridge barbardhac 1-1 ah kula gashay kooxda Manchester City oo kaalinta labaad uga jirto horyaalka.
Labada kooxood ayaa labada gool iska dhaliyay dhamaadkii qeybtii hore ee ciyaarta.
Kooxda Chelsea ayaa goolka la hor martay,waxaana daqiiqadii 42-aad ee ciyaarta u dhaliyay ciyaaryahan Loic Remy.
Ciyaarahan David Silva ayaa sedax daqiiqo kadib goolka barbardhaca u dhaliyay kooxda Manchester City.
Taageerayaasha kooxda Chelsea ayaa muujiyay sida ay wali u jecelyihiin ciyaaryahan Frank Lampard oo daqiiqadii 77-aad bedel ku soo galay ciyaarta.
Kooxda Chelsea oo uu hogaamiyo macalin Jose Mourinho ayaa wali shan dhibcood ka sareeysa kooxda Manchester City.
Kooxda Chelsea ayaa horyaalka ingiriiska ee Premier League-ga ku hogaamineyso 53-dhibcood,halka kooxda Manchestet City ay leedahay 48-dhibcood.
