Kooxda Tottenham ayaa u soo baxday Finalka koobka Capital One,ka dib markii ay caawo lugtii labaad barbardhac 2-2 ah la gashay kooxda Sheffield United oo lagu ciyaarayay garoonkeeda Bramall Lane.
Kooxda Tottenham ayaa lugtii hore 1-0 garoonkeeda White Hart Line uga soo badisay kooxda Sheffield United oo ka ciyaarta heerka sedaxaad ee dalka ingiriiska.
Kooxda Tottenham ayaa goolka la hor martay,waxaana daqiiqadii 28-aad ee ciyaarta gool laad xur ah u dhaliyay ciyaaryahan Christian Eriksen,sidasi ayaana lagu kala nastay qeybtii hore ee ciyaarta.
Ciyaaryahan Che Adams ayaa daqiiqadii 77-aad iyo 80-aad labo gool u kala dhaliyay kooxda Sheffield United.
Ciyaaryahan Christian Eriksen ayaa dhamaadkii ciyaarta goolka labaad u dhaliyay kooxda Tottenham.
Kooxda Tottenham ayaa isku cel celis ahaan finalka koobka Capital One ugu soo baxday 3-2.
Kooxda Tottenham ayaa ciyaarta kama dambeysta ah ee koobka Capital One waxa ay 1-da bisha March garoonka Wembley kula ciyaari doonto kooxda Chelsea oo xalay ka soo adkaatay kooxda Liverpool.
