Deeqdaan oo dhameyd todobo tan kana kooban qaybha raashinka daruuriga ah oo loogu talagay Bulshada ku nool Gobolka Shabeelada Hoose ayaa waxaa ugu deegay cutubka ciidamada Talyaaniga ee ka mid ah kuwa Midowga Yurub ee loo yaqaan CIMIC iyo qaybta Kaalada ee Ciidama Mareykanka Soomaaliya US Civil Military Affairs, kaasi oo la soo martsiiyey Midowga waxaana la gudoonsiiyey Wasaarasadda Gargaarka iyo Maareynta Masiibooyinka oo ku wareejisey Maamulka Gobolka Shabeelada Hoose.
Munaasabad kooban oo lagu qabtay xarunta Taliska qaybta kowaad ee ciidamda Uganda ee Muqdisho ayaa waxaa ugu horeyn ka hadlay Tiliyaha ciidamada Midowga Yurub ee Soomaaliya Fabino Zinzone oo tilmaamay in deeqdan ay tahay kaalmo ay ugu talagaleen shacabka Shabeelaha Hioose.
Taliye ku-xigeenka Ciidamada AMISOM ee Wiliam Shume oo gelbin doono deeqdaan ayaa sheegay in marwalba ay shacabka Soomaaliyeed la shaqeyn doonaan.
Bruce Terry oo ah Madaxa Kooxda Caawinta Ciidamada Soomaaliya ee Ciidamada Mareykanka ayaa sheegay in ay sii wadi doonaan kaalmada bulshada Soomaaliyeed.
Wasiirka Wasaarasadda Gargaarka iyo Maareynta Masiibooyinka Marwo Khadiijo Maxamed Diiriye oo gudoontay deeqdan ayaa u mahadcelisay intii ka soo shaqeysay, waxaana ay intaa ku dartay in kan Wasaarad ahaan
Ma ahan markii ugu horeysay oo ay cutubka ciidamada Talyaaniga ee ka mid ah kuwa Midowga Yurub ee loo yaqaan CIMIC iyo qaybta Kaalada ee ciidamada Mareykanaka ee Soomaaliya US Civil Military Affairs ay deeq gaarsiin bulshada Soomaaliyeed.
