Ciidamada nabad sugida iyo sirdoonka Qaranka Soomaaliyeed ayaa maanta baaritaano ay ka sameyeen degmooyinka Wadajir iyo Dharkenley iyadoo ay la socdaan saraakiishooda iyo gudoomiyayaasha degmooyinkaasi.
Ciidamada ayaa guri guri u galayey xaafadaha ay baaritaanada ka socdeen iyaga oo soo qabtay dhalinyaro looga shakiyey inay xariir la leeyihiin maleeshiyada Al_Shabaab lala xiriirinayo oo suโaalo la weydiiyey inkastoo qaarkood la sii daayay.
Related posts
Gudoomiyayasha degmooyinka Wadajir iyo Dharkenley ayaa sheegay inay la shaqayn doonaan hayโadaha amaanka islamarkaana inta ay socdaan howlaha lagu xaqiijinayo amaanka maamuladoodu ay si dhaw ula socon doonaan.
Howgalkaan ayaa taliyaha nabad sugida waxa uu ugu magac daray dariskaaga ogow oo macnaheedu yahay sidii loola socon lahaa dadka ku soo kordha qoys kasta si looga hortago amni daro ka dhacda caasimadda.
Maxamed Yuusuf waa afhayeenka wasaaradda amniga waxa uu warbaahinta Qaranka u sheegay in howlgalkaan uu ka soo bilowday deegaanka Ceelasha biyaha, Wadajir iyo Dharkenleyna ay ku xigaan
Ciidamada, saraakiisha iyo masโuuliyiinta la socotay ayaa dadka danta yar waxa ay siinayeen deeq isugu jirtay lacag iyo buskut si loo dareensiiyo kaalmada dowlada iyo sida ay dadkeeda u garab taagantahay.
Ciidamada hayโadda Nabad sugida iyo sirdoonka Qaranka waxay habeen iyo maalin xaafadaha Muqdisho ay ka sameeyaan Baaritaano amniga la xiriira waxaana ujeedada ugu weyn ay tahay in lagu badbaadiyo dadka Soomaaliyeed sharaftooda iyo maalkooda si aanay Argagaxisadu ugu xadgudbin.
