Ciidamada ammaanka ee dowladda Soomaaliya ayaa caawa xaafadda Cali-turcaaye ee degmada Yaaqshiid ku toogtay nin ku hubeysnaa bambaanooyin iyo qori AK-47 ah.
Saraakiil ka tirsan ciidanka booliska ee ka howlgala degmada Yaaqshiid ayaa Radio Muqdisho u xaqiijiyey in ninkaan oo aad u hubeysanaa ay ciidamadu toogteen xilli howlgal roondo ah ay xaafadaas ku dhex-marayeen ciidamada.
Ciidamada ammaanka ayaa xilliyada habeenkii sameeya howlgallo amni xaqiijin ah oo ay ku sugayaan Nabadgelyada, waxaana Saraakiisha booliska ay tilmaameen inay joogteeynayaan howlgallada ammaanka lagu sugayo.
