Ciidamada XDS ee ku sugan deegaanka Buqaqable ee gobolka Hiiraan ayaa fashiliyay gaari walxaha qarxa laga soo buuxiyay oo la doonayay in lagu wax yeelleeyo dadka ku dhaqan deegaankaasi.
Ciidamada ammaanka oo ka hortagay gaarigaasi ayaa qarxay waxaana la sheegay in uu ku dhintay oo kaliya wadihii gaarigaasi, mana jirto qasaare kale oo ka dhashay qaraxaasi.
Saraakiisha ciidamada ayaa sheegay in qaraxan ay ciidamadu fashliyeen la doonayay in lagu waxyeelleeyo dadka ku dhaqan degaanka Buqaqable, waxeyna saraakiishu dadka ugu baaqeen iney taxaddar dheeraad ah la yimaadaan.
Deegaanka Buqaqable oo ka tirsan gobolka Hiiraan ayaa dhawaan laga saaray maleeshiyaadka UGUS oo dhibaatooyin ba’an ku hayay dadka reer Buqaqable ee gobolka Hiiraan.
