Ciidamada amaanka ee ka howlgallo gobalka Hiiraan, ayaa kooxda Nabad diidka ee Al-shabaab kala wareegay deegaanno dhaca galbeed magaalada Baladweyne ee xarunta gobolka Hiiraan.
Howlgallo qorsheeysan oo ay ciidamada ka sameyeen galbeedka magaalada Baladweeyn ayay maleeshiyada Al-Shabaab, kala wareegeen Tuulooyin ay dadka ku dhibaateyn jireen.
Deegaanada Ceelka-baar, Biitaale, Gaaburow iyo deegaano kale, ayay Ciidamada kala waregeen maleeshiyaadka Argagixisada, deegaanadaas oo dadkii ku nolaa ay daadasheen abaaro, deeqigii la gaarsiin lahaana ay hor istaageen argagixisada Al-Shabaab.
Ku-simaha guddoomiyaha gobolka Hiiraan, ahna guddoomiye ku-xigeenka Maaliyadda iyo siyaasadda ee gobolka Hiiraan Abuukar Sheekh C/llaahi Maadeey, ayaa ku amaanay ciidamada sida geesinimada leh ee nabad-diidka uga dulqaadeen dadka shacabka ah ee ay dhibaatada ku hayeen, wuxuuna sidoo kale, tilmaamay in ay soo dhaweynayaan cid kasta oo ku soo biirta la dagaalanka maleeshiyada Al-Shabaab.
Dagaalka lagu wajahay argagixisada ee deegaanada galbeedka Baladweyne looga saaray ayaa waxaa horay u bilaabay dadka deegaanka oo is abaabulay qoryahana u qaatay sidii ay nabad-diidka ula dagaalami lahaayeen.
