Ciidamada ammaanka ee dowladda Federaalka Soomaaliya ayaa howlgal ay xalay ka sameeyeen Muqdisho ku soo qabtay gaari walxaha qarxa laga soo buuxiyay oo la doonayay in lagu dhibaateeyo bulshada Soomaaliyeed.
Gaarigan laga soo buuxiyay walxaha qarxa ayeey ciidamadu ku qabteen xaafadda loo yaqaano Cali Kamiin ee degmada Warta nabadda, iyadoo ciidamada sida gaarta ah ugu tababaran miinada ay ku guuleeysteen iney ka furan gaarigaasi qaraxyada lagu soo xiray.
Afhayeenka maamulka gobolka Banaadir C/fitaax Cumar Xalane oo saxaafadda kula hadlay goobta lagu qabtay gaarigaasi ayaa ku ammaanay ciidamada sida geesinimada leh oo ay uga hortageen una fashiliyeen Qaraxaasi lagu soo xiray gaariga.
Xalane oo hadalkisa sii wata ayaa tibaaxay in gaarigan lagu soo qabtay howlgallo baahsan oo ciidamada ammaanku ay habeen iyo maalinba ka wadaan magaalada Muqdisho.
