Taliska qeybta guud ee Boliiska gobalka Banaadir, ayaa sheegay howlgal ay sameyeen Ciidamada Booliiska, gaar ahaan Ciidamada booliiska ee ka howlgala Saldhigga degmada Yaaqshiid, ay kusoo qabteen burcad hubeesan oo ku howlanaa dhac ay u geeysanayeen dad shacab ah, kuwaasi oo adeegsanayay mootooyinka loo yaqaan bajaajta.
Warkan ka soo baxay Taliska qeybta guud ee Boliiska gobalka Banaadir, ayaa lagu sheegay in ciidamada Booliiska ay qabteen labo nin oo burcad ah, kuwaa oo bistoolad iyo toorey dadka ku baaranayay xaafado ka tirsan degmada Yaqshiid ee gobalka Banaadir.
Booliiska gobalka Banaadir, ayaa sheegay in burcadan gacanta lagu soo dhigay loo gudbin doono sharciga, sidokale, waxa ayna sheegeen in gacan bir ah lagu qaban doono kooxaha burcada ah ee caadeestay dhaca iyo cabsi galinta dadka shacabka ah.
