Ciidamada Booliska Dawlad Goboleedka Puntland gaar ahaan ku ka hawl gala Magaalada Boosaaso ayaa gacanta ku soo dhigay masoomayaal iyo Raashin bisil oo ay ka Ganacsanaayeen.
Sirdoonka Booliska ee la dagaalanka Masoomayaasha xog ay heleen oo ay u soo gudbiyeen Taliska qeybta kadib Taliyaha qaybta iyo Ciidamo uu hoggaaminaayo ayaa ku guulaystay in ay helaan goobaha Cunto karinta maalintii ee Magaalada Boosaaso.
Masoomayaasha iyo Raashinkii bislaa ayaa la geeyay Saldhiga dhexe ee Boosaaso si xog dheeraad ah looga ogaado.
Taliyaha Qeybta Booliska Gobalka Bari G/Sare Xuseen Cali Maxamuud oo la hadlay Warbaahinta ayaa uga digay dadka Ka ganacsadaan cunooyinka la kariyo inta lagu Jiro Bisha barakeysan ee Ramadaan in ay dawladdu Ciqaabi doonto.
