Howlagalkaan ay ciidamada booliska soomaaliyeed ka wadaan magaalada muqdishu ayaa waxa uu iminka ka soconayaa Degmada X.weyne ee gobalka Banaadir.
Afhayeenka Ciidamnka booliska soomaaliyeed Qaasim Axmed Rooble oo Radio Muqdisho la hadlay ayaa sheegay in howlgalikaan lagu beegsanyo bartilmaameedyo ay ciidamadu tuhunno ka qabaan.
Afhayeenka ayaa hadlakiisa intaa ku daray, in howlgalka socda lagu soo qabqabtay dad gaaraya 200 oo ruux, haddana lagu kala saarayo saldhigga degmada X.weyne, xabsigana loo taxaabayo dadka dambiyada loo heysto lagu helo.
Ciidamada ayaa guriguri u baaraya xaafadaha dagmadaasi, si looga hortago kooxaha doonaya in ay Qalqal galiyaan Ammaanka Magaalada muqdisho.
Howlgalkan ayaa qeyb ka ah howlgallo is xig xiga oo ay ciidamada ammaanku ka fulinayaan magaalada muqdishu, xilli ciidanka booliska soomaaliyeed uu isku diyaarinayo, dabaaldagga sanadguuradii 71 ee ka soo wareegatay Aas Aaska Ciidanka Booliska Soomaaliyeed oo ku beegan 20-ka Bishan.
