Ciidamada Daraawiishta Galmudug oo kaashanaya Shacabka magaalada Wisil ayaa Cashar lama ilaawaan ah u dhigay isla markaana jab xoogan u geystay Maleeshiyaadka Al-shabaab oo weerar qaraxyo ku bilowday saakay aroornimadii hore ku qaaday saldhig Ciidamada Daraawiishta ku lahaayeen afaafka hore ee Magaaladaas.
Dagaalka oo ahaa mid xoogan isla markaana socday wax ka badan labo saacadood ayaa loogu awood sheegtay maleeshiyaadka lagana hortagay damacoodii Qabsashada Magaalada muhiim ka u ah dicaafa Gobolka Mudug.
Related posts
Wararka hor dhaca ah ee aan helayno ayaa sheegaya in dagaalka uu ka dhashay qasaare xoogan oo la gaarsiyay Maleeshiyaadka weerarka soo qaaday, iyadoo dhanka kale ay jiraan dhimasho iyo dhaawacyo soo gaaray ciidamada iyo macawisleyda degaanka inkasto oo uu kooban yahay.
Ciidamada Daraawiishta ayaa hadda sii baacsanaya firxadka maleeyshidka Alshabaab ee weerarka soo qaaday.
