Ciidamada Xoogga Dalka iyo kuwa maamulka Koonfur Galbeed ayaa gacanta ku dhigay 5 ka tirsanaa Maleeshiyada Alshabab iyo hubkooda kuwaasi oo laga soo qabtay deegaanka Manaas, oo ilaa 40 KM dhanka Galbeed kaga began magaalada Baydhabo.
Saraakiil ka tirsan maamulka Koonfur Galbeed ayaa Wakaaladda SONNA u xaqiijiyay in howlgal lagu soo qabtay maleeshiyaadkaasi oo watay,hub iyo Mooto Majaaj,kuwaasi oo hatan ku jira gacanta ciidamada amniga.
Waxaa ay sheegeen saraakiishu in ay u soo bandhigi doonaan warbaahinta ragga la qabtay iyo hubkooda waxaa sidoo kale ay sheegeen in ay burburiyeen saldhiyo ay Shabaabku ku lahaayen deegaano dhowr ah oo hoostaga magaalada Baydhabo.
Howlgalo lagu baadi goobayo maleeshiyaad kale oo baxsaday ayaa ka soconaya deegaanadii shalay ay dagaaladu ku dhexmaraay ciidanka Dowladda iyo koxda Alshabaab.
