Ciidamadani isku dhafka ah ee dalalka geeska Africa ka socda ee loogu talo galay ilaalada xeebaha ayaa tababar loogu soo gaba gabeeyay magaalada Jibuuti kuwaa oo mudo todobaad ah tababar uu u socday, iyadoo munaasabad loo qabtay xiritaanka tababarkaasi ka qeyb galay saraakiil iyo safiiro ka socday wadamada Caalamka.
Tababarkani oo la yiraahdo Castle Express oo ah tababarkii 4-aad ayaa saraakiishii ka hadashay waxa ay muujiyeen sida ay ugu faraxsanyihiin tababarkani iyo sida ciidamadaasi ay ugu faa’ideysteen casharada ay bixinayeen macalimiinta, waxaana shahaadoyin la guddoonsiiyay ciidamada tababarka qaatay ee muujiyay howl wanaag.
Kulanka markii uu soo gaba gaboobay kaddib Taliyaha Ciidamada Badda Dalka Jibuuti Col C/raxmaan Aadan oo la hadlay warbaahinta ayaa ka warbixiyay tababarkaasi isagoo sheegay in uu ku saabsanaa sida ay u wada shaqeyn karaan ciidamada ilaalada xeebaha iyo sida looga hortagi karo cid kasta oo dhibaato u keeni karta xeebaha geeska Africa.
Tababarkani Castle Express ayaa sanadkiiba mar la qabtaa iyadoo ay ka faa’ideystaan ciidamada isku dhafka ah ee xeebaha Soomaaliya islamarkaana ka socda wadamada Geeska Africa sida Soomaaliya Ethiopia, Suudaan,Jibuuti,Ugandha,Kenya,waxaana ka caawiya Australia,Mareykanka,Cameroon,
