Dagaal u dhexeeya Ciidamada ammaanka Puntland iyo kooxaha argagixisada Al shabaab ayaa xalay saqdii dhexe ka dhacay deegaano ka tirsan Gobolka bari.
Wararka ka imaanaya deegaanka Balli-Khadar oo ka tirsan Buuralayda Galgala ee Bari ayaa sheegay in ciidamada ilaalada Xeebaha ee Puntland oo saldhig weyn ku leh deegaankaasi Balli-Khadar ay ka hortageen weerar arbushaad ah oo maleeshiyaad ka tirsan Al shabaab ay ku soo qaadeen saldhig ay leeyihiin ciidanka.
Dadka deegaanka ayaa sheegaya in dagaalkan oo bilowday xiligii Suxuurta lagu jebiyay maleeshiyaadkii Shababa ee weerarka soo qaaday,lamina sheegin weli qasaaraha halkaasi ka dhashey,iyadoo ciidamada amaanka Puntland ay kujireen taxadir iyo feejignaan ammaanka laxiriira.
Deegaanka Balli-Khadar oo kuyaala saldhigweyn oo ay ka howlgalaan ciidamada ilaalada Xeebaha Puntland ayaa qayaas ahaantii wax kabadan 80 KM u jira magaalo xeebeedka Boosaaso,waa deegaan istraatiijii ah oo ku dhexyaalaa Buuralayda Galgala ee Gobolka Bari.
