Guddiga caalamiga ah ee Laanqeyrta Cas, ayaa fiidnimadii xalay ku dhawaaqday in Ciidamada Isra’iil ay beegsadeen kolonyo gargaar bini’aadannimo u sidday Marinka Qaza.
Laanqeyrta Cas, waxay tilmaamtay in kolonyada la beegsaday ay isugu jireen Shan Baabuur oo waday agabka Caafimaadka oo ku wajahnaa xarumo caafimaad oo uu ku jiro isbitaalka Al-Qudus oo dhawaan la duqeeyay.
Gawaarida la beegsaday ayaa waxaa ku jiray labo Gaari oo ay saarnayeen shaqaalaha gargaarka, waxaana la xaqiijiyay in mid ka mid ah darawalladii waday Baabuurtan uu soo gaaray dhaawac, halka labo baabuur oo kuwa xamuulka ahna ay waxyeello soo gaartay.
