Ciidamada walaalaha Jabuuti AMISOM ayaa maanta deeq Dawo ah gaarsiiyay maamulka gobolka Hiiraan.
Taliyaha ciidamada Jabuuti Col. Jaamac Xasan ayaa deeqdan dawada ah ku wareejiyay guddoomiye ku xigeenka maamulka gobolka Hiiraan Maxamed Ibraahim.
Gudoomiye ku xigeenka gobolkaasi Maxamed Ibraahin ayaa sheegay in shixnadan dawada ah la soo gaarsiiyay xilli munaasib ah islamarkaana maamulku uu u baahnaa maadaama gobolka ay soo wajaheen dhibaatooyin xagga caafimaadka ah oo ay sababeen fatahaadaha.
Gudoomiye ku xigeenka maamulka gobolka Hiiraan ayaa dowladda Jabuuti ku ammaanay sida ay u garab taagan tahay shacabka Soomaaliyeed ee ku nool gobolka Hiiraan.
