Ciidanka dowladda Kenya ayaa saaka howlgal ka wadda deegaanno hoos yimaada degmada Mandera ee dalka Kenya kaddib markii ay soo baxday cabsi ku aadan in dagaalyahano ka tirsan Shabaab ay ku sugan yihiin degmada Mandera ee dalka Kenya .
Taliyaha qeybta Booliska degmada Mandera ayaa warbaahinta u sheegay in howlgalka lagu baadi goobaayo dagaalyahano ka tirsan maleeshiyaadka Shabaab, kuwaas oo inta badan weerar dhabbagal ah u geystay ciidanka dowladda Kenya ee ku sugan xuduudka u dhaxeeya Kenya iyo Soomaaliya.
Related posts
Waxa uuna sheegay in ay jiraan dad badan oo lagu tuhmaayo in ay Shabaab xiriir la leeyihiin oo ay gacanta kusoo dhigeen ciidanka dowladda Kenya.
Ciidanka dowladda Kenya ayaa sidoo kale saaka howlgalo ka wada deegaano ka tirsan gobolka Waqooyi Bari oo ay ka mid yihiin Fiino iyo Lafeey.
Taliyaha ciidanka Mandera Β ayaa sheegay in ay laba jibaari doonaan howlgalada ay ka wadaan degmada Mandera iyo sidoo kale deegaanada Hoos yimaada .
