Howlgalo ammaanka lagu sugayo ammaanka ayaa maanta magaalada Muqdisho gaar ahaan degmooyinka Yaaqshiid iyo Hiliwaa Ciidamada Hey’adda Nabad Sugida Qaranka NISA ay ka sameeyeen, iyadoo ciidamada ay baarayeen guryaha degmooyinkaasi ku yaala waxaana ciidamada dadka ay ka shakiyaan ay u baarayeen si taxadar badan.
Ciidamada NISA ayaa baarayay gawaarida isaga kala gooshaya wadooyinka degmooyinkaasi, iyadoo ciidamda safaf dhaadheer galinayay gawaaridaasi, waxaana wadooyinka gawaarida ku baarayeen ka mid ahaa isgoyska Ex-Control Balcad.
Dhinaca kale Ciidamada Hey’adda Nabad sugida iyo sirdoonka Qaranka ayaa inta ay ku guda jireen howlgalkooda ay ka wadeen xaafadaha degmooyinkaasi ay ku howlanaayeen tabarucaad ay u sameynayeen qoysaska ku sugnaa xaafadahaasi ay guddoonsiiyeen tabarucaad Dhaqaalo, iyadoo sidoo kale ciidamada ay la socdeen qubaro dhanka caafimaadka oo la socday kuwaa oo baaritaano caafimaad u sameynayay qoysaska danta yar oo dawo iyo baaritaan tabarucaad ah helay.
Ciidamada NISA oo ay ka muuqatay feejignaan dheeri ah waxa mid mid ay u baarayeen guryaha ku yaala degmooyinkaasi, iyadoo xaafadaha suuqa xoolaha baaritaankaasi ay ku ekeeyeen kuwaa oo laga baarayay in ay ku jiraan hub iyo waxyaaba qarxa oo suura gal ay tahay in lagu qariyay guryahaasi waxaana howlgalkaasi ay bar bar socdeen tabarucaada dadkaasi ay u sameynayeen Ciidamada soo dhaweeyay bulshada ku dhaqan xaafadahaasi.
