Hawlgalkaan oo ay si wadajir ah u sameynayeen Ciidanka hay’adda Nabad Sugidda Qaran ee NISA, Booliska, Militariga, iyo kuwa Amissom ayaa xalay waxa ay ka sameeyeen Deegaanka Ceelasha Biyaha, Degmada Lafoole ee gobolka Shabeelaha Hoose, halkaas oo guryo ku yaala ay ku bartilmaameedsadeen maleeshiyaadka ka tirsan Al shabaab.
Ciidanka oo ku sucday bartilmaameed qorsheysan ayaa isku faafiyay xaafadaha deegaankaas Ceelasha biyaha, iyagoo gurya ku yaala baaritaano ka sameeyay,
Waxaana mid ka mid ah guryihii ay baartitaanada ka sameeyeen ay kala kulmeen iska Caabin ka timid maleeshiyaad ku dhuumaaleysanayay oo Ciidanka ay macluumkoodu horay u hayeen, iyadoo halkaasi lagu dilay mid ka mid ah maleeshiyaadkii ku sugnaa, waxaa sidoo kale goobta ku dhintay ciidankii amniga.
Ciidamada ayaa ugu dambayn ku guuleystay in ay gacanta ku soo dhigaan hub iyo maleeshiyaad ka tirsan kooxda Al shabaab kuwaas oo sida Sirdoonka qaranka ay soo wariyeen qorsheynayay in ay abaabulaan weeraro ay ka fuliyaan magaalada muqdisho gaar ahaan goobaha ay bulshadu isugu timaado si ay qasaare shacab u gaystaan.
