Wararka ka imaanaya magaalada Buula-burde ee Gobolka Hiiraan ayaa sheegaya in ciidamada ammaanku ay dad u qab qabteen qarax miino oo maanta ka dhacay Duleedka bari ee magaalada ,gaar ahaan wadada isku xirta Garoonka diyaaradaha iyo magaalada Buula-burde, sida uu soo sheegayo Wariyaha Warbaahinta Qaranka Cabdinaasir Geesey.
Qaraxa oo ahaa minada nuuca dhulka lagu aaso ee loo yaqaano Remote Control ayaa waxaa ku geeriyooday 1 qof halka labao kalena ay ku dhaawacmeen.
Related posts
Falka qaraxa kadib ayaa waxaa bilowday howlgallo ay sameeyeen ciidamada oo lagu baadi goobayay ragii falkaasi ka dambeyeey, waxaana wararku ay sheegayaan in ilaa haatan ay ciidamadu qabteen dhowr qof oo qaraxaasi lala xiriirinayo.
Ciidamada ayaa wada baaritaanno dheeraad ah oo ay ku ogaanayaan raggii ka dambeeyay qaraxii maanta, waxaana ay saraakiishu sheegeen inay sii deyn doonaan kuwii kiiska lagu waayo.
Dadka dhaawacmay ayaa lagu daweynayaa xarumaha caafimaadka ee magaalada Buula-burde.
