Ciidamada nabadsugidda iyo sirdooka Qaranka ayaa howlgallo amni xaqiijin ah ka sameeyay xaafado ka tirsan degmooyinka Gobolka Benaadir, iyadoo ay howlgalladaasi bar bar socdeen mid ay ciidamadu ka sameynayaan isgoysyada Muqdisho.
Ciidamada ayaa howlgalkii shalay waxa ay ku soo qabteen saddex ruux oo ku hubeysnaa qoryaha loo yaqaan AK47, waxaana ciidamada ay xaafadaha u baarayeen guri guri, taasi oo qeyb ka ah howlgallada amniga lagu xoojinayo.
Related posts
Maxamed Yuusuf Cusmaan Afayeenka Wasaaradda Amniga Gudaha oo Warbaahinta Qaranka la hadlay ayaa sheegay in howlgallada ay yihiin kuwa lagu xoojinayo amniga, isla markaana looga hortagayo falalka ay maleegayaan maleeshiyaadka Al-Shabaab.
Afhayeenku waxa uu baaq u jeediyay wadayaasha gaadiidka inay u hogaansamaan awaamiirta ciidamada, si loo xaqiijiyo amniga caasimadda.
Dhanka kale ciidamada ayaa maanta howlgallo kuwan la mid ah ka wada Isgoysyada magaalada Muqdisho, kuwaasi oo ay ciidamadu ku baarayaan gaadiidka iyo dadweynaha la socda, si looga hortago waxkasta oo amniga caasimadda wax u dhimaya.
