Ciidamada xooga dalka Soomaaliyed ooΒ kaa shanaya kuwa AMISOM ayaa howlgalo ka sameeyeen duleedka degmada Baraawe ay kula wareegeen deegaanno ay ku dhuumaaleysanayeen maleeshiyaadka Al-Shabaab.
Afhayeenka Wasaaradda Amniga gudaha ee Maamulka Koonfurgalbeed ee Somaaliya Maxamed Caseyr oo u waramay Radio Muqdisho ayaa sheegay in tuulo 7 kiilo mitir u jirta dhanka KoonfurΒ ka xigta magaalada Baraawe ay la wareegeen ciidanka dowladda oo kashaaya kuwa AMISOM, kadib howlgallo ay halkaasi ka sameeyeen.
Related posts
βSida aad ogtahay, howlgaladu in muddo ah ayuu socday, meel todobo km u jirta magaalada Baraawe ayay ciidamada kula wareegeen deegaanno ay ku dhuumaaleysanayeen maleeshiyaadka Al-Shabaab, runtii cidanka ayaa iminka ku sugan deegaanka laga eryay Al-Shabaab, xaaladduna way degantahayβ ayuu yiri Afhayeenka.
Afhayeenka ayaa intaa ku daray inay ciidanku ay sii wadi doonaan howlgallada lagu baacsanayo maleeshiyaadka Al-Shabaab, isla markaana ay jiraan tababaro la siiyay ciidamada maamulka Koonfurgalbeed si ay gacan uga geystaan dib u xoreynta deegaanada ay ku dhuumaaleysanayaan haraadiga Al-Shabaab.
