Ciidamada qalabka sida ee Soomaaliya ee kusugan Gobolka Shabeellaha Hoose ayaa ku Guuleystay in kooxda Shabaab ay ka saaraan deegaanno katirsan Gobolkaasi.
Afhayeenka Wasaaradda Amniga Maxmed Yuusuf Cismaan ayaa Radio Muqdisho u sheegay in Ciidamada xoogga dalka howlgallo lagu saarayo kooxda shabaab ay ka wadaan Deegaanno ka tirsan Gobolka Shabeellaha Hoose.
“ Shalay Ciidamada NISA ee Hay’adda Nabad Sugidda waxa ay u gurmadeen Ciidanka xoogga dalka oo Shabaab kula Dagaallamayay deegaanka Mareeray ee Gobolkaas kuwaas oo ciidamadu ay Wiiqeen Awoodda yar ee Argagixisadaas” Ayuu yiri Afhayeenka wasaaradda Amniga.
Dhanka kale Afhayeenka Wasaaradda Amniga Gudaha Maxamed Yuusuf Cisman ayaa intaa Raaciyay In ciidamada ay Dagaalkaas ku dileen Maleeshiyaad badan oo katirsan kooxdaas.
Ugu dambayntii Afhayeenka Wasaaradda Amniga ayaa sheegay in ay sii socon Doonaan Howlgallada lagu baacsanayo Kooxda Arxan laawayaasha ee Shabaab kuwaas oo Caado ka dhigtay in ay laayaan Umadda Soomaaliyeed.
