Ciidamada Qalabka sida iyo kuwa Amisom ee ku sugan Jubooyinka ayaa isku balaarinaya deegaano fara badan oo jubooyinka ka tirsan oo ay ku sugnaayeen argagaxisada Al Shabaab oo dadka ku dhibaateeya deegaannadaasi, iyadoo dadka ku dhaqan meelaha ay gaareen ciidamada ay si weyn u soo dhaweeyeen kuwaa oo muujiyay sida ay ugu farax sanyihiin la jooga ciidamada.
La wereegida deegaannada Jamaay Cabdalle oo qiyaastii degmada Afmadow u jirta 80km u jirta degmada Afmadow ee gobolka Jubada hoose,Deegaanka Farwaamo, iyo deegaanno kale oo ku teetsan wabiga Jubba, iyadoo qabsashada deegaanadaasi ay ka dambeysay howlgalo ciidamada qalabka sida ee Soomaaliya iyo kuwa Amisom ay ka sameeyeen deegaanadaasi howlagalo laga xoreynayo argagaxisada.
Saraakiisha ciidamada ee hogaamineysa howlgalkaasi oo aan la hadalnay ayaa inoo sheegay deegaannada ay la wareegeen in wax iska caabin aysan kala kulmin maleeshiyaadka Shabaab oo awoodoodii la wiiqay, ayna weli ku sii raad joogaan maleeshiyaadkaasi.
Kooxda Al Shabaab oo dhibaatooyin kale duwan u geysatay shacbiga Soomaaliyeed ayaa la wiiqay awoodoodi kaddib weeraro is xig xigay oo ciidamada qalabka sida ay ku qaadeen deegaannadii iyo degmooyinkii dalka ay kaga sugnaayeen taa oo sababtay in ay waayaan meel ay u cararaan kuwaa oo jab xoog leh la kulmaya.
