Wakaaladda Wararka Anadol, ayaa sheegtay in 5 qof oo rayid ah oo ay ku jiraan 3 caruur ah ay ku dhinteen weerar dhanka cirka ah oo Ciidamada Ruushka ay ka fuliyeen gobolka Idlib ee dhaca waqooyi galbeed ee Suuriya.
Anadol, ayaa sheegtay in 3 Diyaaradood oo kuwa Dagaalka ah oo Ruushku leeyahay kana duulay Garoonka Diyaaradaha Hmeimim ee gobolka Latakia fiidnimadii xalay ay duqeeyeen magaalada Armanaz ee ka tirsan Idlib, halkaas oo ay ku dileen dad rayid ah.
Intii u dhaxaysay sanadahii 2017 iyo 2020, tirada dadka ka cararaya Dagaalada Suuriya ayaa gaaray ilaa laba milyan kuwaa oo intooda badan ku barakacay xudduudda Turkiga.
