Cutubyo ka tirsan ciidanka xoogga dalka Soomaliya iyo kuwa AMISOM ayaa gaaray degmada Buulo-barde ee gobolka Hiiraan, halkaasi oo ay gaarsiiyeen raashin ay ka soo qaadeen magaalada Beladweyne ee xarunta gobolkaasi.
Ciidamada ayaa si xoog leh ku galbiyay kolonyada gaadiidka ah oo saarnaa deeq raashin ah oo ay u sideen shacabka ku nool degmada Buulo-barde, iyagoo kala eryay maleeshiyaad ka tirsan UGUS oo ku dhuumaaleysanayay inta u dhexeysa degmooyinka Beladweyne iyo Buulo-barde.
Wariyaha Warbaahinta Qaranka Qaranka ee Gobolak Hiiraan Cabdishakuur ayaa soo sheegay in ciidamada ay si nabadgelyo ay ku galbiyay gawaarida sida raashinka gargaar ah ee loogu tala galay dadka ku dhaqan Buulo-barde, isla markaana maalmaha soo socda loo qeybin doono dadkii raashinkaasi loogu talagalay.
