Guutada 6-aad Qeybta 60-aad ee ciidamada xoogga dalka ayaa xalay waxay howlgal qorsheysan ka fuliyeen deegaano ka tirsan gobolka Shabeellaha hoose.
Ciidamada ayaa si gaar howlgalkan waxay ka sameyeen degaanka Goorsarow oo hoos yimaada Tuulada Buula-mareer ee gobolka Shabeellaha hoose, waxayna halkaasi ku dileen labo ka tirsan maleeshiyaadka argagixisada Al-Shabaab.
Ciidamada ayaa sioo kale, waxay gacanta ku soo dhigeen walxaha qarxa iyo labo qori oo ay wateen dhagar qabayaashii la dilay, kuwaas oo ay doonayeen in ay shacabka degaanka ku dhibaateeyaan.
Tan iyo wixii ka danbeeyay markii ciidamada Qaranka ay wiiqeen awooddii maleeshiyaadka nabad-diidka ah ayaa waxay kooxdan bilaabeen weerarro u badan qaraxyo Miino oo ay la beegsadaan dadka rayidka ah.
