Ciidanka kumaandooska Qaranka oo ay wehliyaan ciidanka daraawiishta dowlad goboleedka Jubbaland ayaa saaka howlgal qorsheysan ku qaaday goob maleeshiyada Al-shabaab ay kaga sugnaayeen buundada deegaanka Araare ee gobolka Jubadda hoose islamarkaana ay ka abaabulayeen qaraxyo ay ku dhibaateeyaan shacabka, waxaana ay ciidanku toogteen maleeshiyadii halkaasi ku sugnaa.
Saraakiisha ciidamada ayaa sheegay in ciidanka xoogga dalka ee ku sugan jubbooyinka ay u diyaarsanyihiin ka hortagidda dhagarta argagixisada iyo bad baadinta shacabka Soomaaliyeed.
Saraakiil ka tirsan ciidamada oo la hadlay warbaahinta Qaranka ayaa sheegay in dib ay ka soo sheegi doonaan khasaaraha soo gaaray argagaxisada maadaama weli ay wadaan howlgal lagu baacsanayo maleeshiyada Alshabaab.
Shalay ayey ahayd markii ciidamada ay ka hortageen weerar ay damacsanyeen cadawgu in ay ku soo qaadaan deegaanka hoosingoow ee gobolka Jubbada Hoose, halkaasi oo maleeshiyada Al-shabaab looga dilay afar dhagarqabe.
