Ciidamada Kumaandooska xoogga dalka Soomaaliyeed ee DANAB gaar ahaan Ururka 4-aad Guutada 16-aad ayaa saacadihii la soo dhaafay howlgal qorsheeysan oo kana dhan ah Argagixisada Al-Shabaab ka fuliyay degmada Buurhakabo ee Gobolka Baay iyo degaano hoostago.
Ciidamada ayaa sigaar ah howlgallo lagu baarayo Guryaha iyo Gaadiidka kala duwan ka sameeyay degmada Buurhakabo iyo degaanka Ceelbashiir oo 10-km u jira degmadaas, halkaas oo la sheegay in mararka qaar ay dadka ku dhibaateyn jireen nabad diidka Al-Shabaab.
Saraakiil katirsan Guutada 16-aad ee Ciidanka Kumaandooska DANAB ayaa sidoo kale sheegay in howlgallo gaar ah ay ka fuliyeen dhulka howda ah ee ku teedsan degmada Buurhakabo, halkaas oo mararka qaar lagu arki jiray maleeshiyaad katirsan Al-Shabaab.
