Ciidamada Xoogga dalka Soomaaliyeed oo kaashanaya kuwa degaanka ayaa Maanta waxaa ay howlgallo ka sameyeen degaanka Qooxle oo u dhow Aadanyabaal ee gobolka Shabeellaha Dhexe, halkaas oo la sheegay in ay isku aruursanayeen maleeshiyaad haraadi ah oo ka soo firxaday degaanno dhawr ah oo laga fara maroojiyay.
Ciidamada xoogga dalka iyo kuwa degaanka ayaa waxaa ka go’an in guud ahaan gobolada dalka laga saaro maleeshiyaadka Khwaajirta Al-Shabaab ee cadeeystay daadinta dhiiga dadka marista iyo boobka hantidooda.
Howlgaladan ay ciidamada ka sameyeen degaanka Qooxle ayaa qeyb ka ah balaarinta fariisimada ciidamada, si gabi ahaanba gobalada dalka looga sifeeyo maleeshiyaadka argagixisada ee xasiloonida u diiday shacabka Soomaaliyeed.
W/D:- Abdulkadir Isse
