Xildhibaan Mahad Cabdiraxmaan Aadan ayaa sheegay in cidamada xoogga dalka oo kaashanaya kuwa Daraawiishta Koonfur Galbeed Soomaaliya ay si rasmiga ula wareegeen deegaanno horleh oo ku yaala Gobolka Baay.
Xildhibaanka oo Wareysi gaar ah siiyay Radio Muqdisho ayaa sheegay in argagixisada lagala wareegay in ilaa iyo saddex fariisin oo ay horey dadka ugu dhibaateyn jireen, kuwaasi oo ah tuulooyin hoostaga deegaanka Seeydheeloow ee ka tirsan Gobolka Baay, halkaasi oo ay ciidamada ka wadaan howlgallo amaanka lagu xaqiijinayo.
Mudane Mahad Cabdiraxmaan Aadan ayaa hoosta ka xariiqay inay sii wadayaan howlgallada ka dhanka ah argagixisada ee iminka ka bilowday qaar ka mid ah deegaannada Koonfur Galbeed Soomaaliya, ayna xoogga saari doonaan sidii dib la isugu furi lahaa waddooyinka ay gooyeen dhagarqabayaasha.
