Shirka wadatashiga Wasaaradaha Warfaafinta Xukuumadda Federaalka Soomaaliya iyo kuwa maamul goboleedyada ayaa si rasmi ah maanta uga furmay magaaladda Muqdisho.
Shirkaan oo socon doono muddo saddex cisho ah ayaa looga hadlaya Wadashaqeynta Wasaaradaha Warfaafinta heer Federaal iyo heer maamul Goboleed, waxaana shirka inta uu socdo la filayaa in si weyn loogu qaadaadhigo muhiimadda la dagaallanka Argagixisada iyo gudbinta jabkooda si bulsha weynta Soomaaliyeed ugu dhiiradaan inay iska dul qaadaan meel walba oo ay joogaan dhagar qabayaasha Al-Shabaab.
Wasiirka Wasaaradda Warfaafinta Xukuumadda Federaalka Soomaaliya Daa’uud Aweys Jaamac ayaa yiri “Shirkaan waxa uu daaran yahay in wada shaqeyn dhaw yeeshaan Wasaaradda Warfaafinta heer Federaal iyo kuwa maamul goboleedyada gaar ahaan waqtigaan lagu jiro howlaha xaasaasiga ee argagixiso la dagaallanka iyo wax ka qabashada abaaraha”.
