Ciidamada Xoogga Dalka Soomaaliyeed ayaa meel u dhow Deegaanka gowlweyn ee gobolka Shabeelaha hoose ku dilay horjoogiihi maleeshiyaadka Al Shabaab ee degmada Kuntuwaarey Ibraahim Fiiley kaddib howlgalo ay ka sameeyeen ciidamada halkaasi.
Ciidamada Xoogga Dalka ayaa horjoogahaasi ku dilay Deegaanka Maduurow oo dhanka galbeed 10km ka xigta deegaanka golweyn ee gobolka shabeelaha hoose xili ay ku guda jireen howlaha dalka ay u hayaan ciidankaasi, waxaana horjoogahaasi la dhintay 3 ka mid ah ilaaladiisa oo ka tirsanaa Argagaxisada Al Shabaab.
Taliayah ururka labaad guutada 3-aad ee ciidanka Xoogga Dalka Soomaaliyeed Gaashaanle dhexe Xasan Maxamed Abuukar Xasan Jaamici oo goor dhaweyd qadka teleefoonka ugu waramay Radio Muqdisho ayaa xaqiijiyay howlgalkaasi lagu qaarijiyay horjoogihii Shabaab ee Degmada kuntuwaarey iyo deegaannada hoos yimaada oo buula mareer ay qeyb ka tahay, isagoo sheegay in Ciidamada ay ku guuleysteen howlgalkii ay sameeyeen ayna ku dileen horjoogahaasi iyo sedex ka mid ahaa maleeshiyaadka Shabaab.
Ibraahim Fiiley ayaa Kooxda Argagaxisada Al Shabaab u qaabilsanaa degmada Kuntuwaarey ee gobolka shabeelaha hoose, iyadoo lagu xusuusto dhibaatooyin fara badan oo u geysan jiray dadka ku dhaqan degmadaasi iyo deegaannada hoos yimaada, kuwaa oo uu baad joogta ka qaadan jiray, waxaana uu ka mid ahaa maleeshiyaadkii Degmada Buula mareer kula dagaalamay Ciidamada Faransiiska ah ee kal hore ka dagay kuwaa oo doonayay in ay soo furtaan muwaadin u dhashay Dalka France oo uu isagu ku hayay deegaankaasi.
