Wararka xiligan naga soo gaaraya Qaybo ka mid ah deegaannada howlgalladu ka socdaan ee gobolka Hiiraan, ayaa sheegaya in saacadihii aynu soo dhaafnay ciidamada Xoogga Dalka Soomaaliyeed Iyo AMISOM Maleeshiyaadka UGUS dagaal ku dhaxmaray deegaanka Nuur-fanax oo qiyaastii 45-km u jirta Magaalada Beledweyne.
Sooma jeestayaasha Ciidanka Xoogga Dalka Soomaaliyeed ayaa cagta mariyay deegaano fara badan oo ka tirsan deegaanada ku teetsan inta u dhexeysa Bula burde, iyo Beledweyn, iyadoo maleeshiyaadkii laga ceyriyay deegaanadaasi aan la ogeyn hal jaan iyo cirib ay dhigeen.
Ciidammada Xoogga Dalka Soomaaliyeed iyo kuwa howlgalka midowgga Africa AMISOM oo labo cisho ka hor ka ruqaasaday saldhigyada ay ku leeyihiin magaalada Beledweyne, ayaa ku sii jeeda fariisimaha Argagaxisada Al-shabaab ee wadada isku xirta Beledweyne iyo Buula-burte.
Guulaha Isdaba jooga Ah ay gaarayaan sooma jeestayaasha Ciidanka Xoogga Dalka Soomaaliyeed ayaa ka dhigan baaba’a Kooxda Gumaadka Umadda Soomaaliyeed ee UGUS iyo sida aysan ugu babac dhigi karin awoodooda Ciidamada Qalabka sida ee Soomaaliya.
