Laba qofood ayaa inta la ogyahay ku geeriyootay in ka badan Shan kalena wey ku dhaawacmeen kaddib markii ay rasaas ku fureen ciidamo ka tirsan maamulka Soomaaliland dad ciyaar kubadda cagta ah ku daawanayay gegida ciyaaraha ee magaalada Boorame.
Dhacdadan ayaa ka dambeysay kadib markii qaar ka mid ah dadkii ciyaarta dawanayay ay qaadeen heeso waddani ah oo muujinaya midnimada Soomaali weyn, sida heesta calanka Jamhuuradda ee โSoomaaliyeey toosooโ iyagoo calanka jamhuuryadda Soomaaliyana kor u ruxayay.
Related posts
Intaasi kadib ayaa ciidamada gaarka ah ee loogu talagalay la dagaallanka argagixisada waxey tacshiirad ku fureen dadkii garoonka ku sugnaa ee kubbadda daawanayay, waxaana halkaasi ka dhacay kala carar, iyadoo la rumeysanyahay in tirada dhimashada ay ka badantahay Laba qofood.
Goobjoogayaal ku sugnaa garoonkaasi oo la hadlay Radio Muqdisho ayaa sheegay in rasaastu ay iminka ka dhaceyso xaafadaha magaalada, iyadoo ay ciidamadu billaabeen howlgallo ay ku qab qabanayaan qaar ka mid ah dadweynaha ku nool magaaladaasi.
Halkan hoose ka dhageyso wareysi uu Radio Muqdisho siiyay mid ka mid ah dadka deegaanka.
