Ciidamada ammaanka ayaa ku guuleystay inay soo afjaraan weerar ka dhacay xabsiga dhex ee Xamar, kadib howlgal ay ka fuliyeen gudaha xabsiga, waxaana ay toogteen lix maxbuus oo ka mid ah kuwiii dagaalamayay, halka nolosha lagu qabtay shan maxbuus oo labo ka mid ah ay bistoolado wateen.
Sida ay ku soo waramayaan Wariyeyaasheena Warbaahinta Qaranka ciidanka ayaa gebi ahaanba soo afjaray shaqaaqadii ka dhacday xabsiga dhexe, waxaana inta uu socday howlgalka lagu dhaawacay lix ka mid ah kooxdii maxaabiista ahayd ee dagaalka waday, mana jirto maxbuus ka baxsaday xabsiga dhexe.
Ciidamada ammaanka ayaa gudaha xabsiga ka sameeyay howlgallo Nabadgelyada lagu xaqiijinayo, waxaana xaaladda xabsiga dhexe ay iminka ku soo laabatay sidii hore.
