Taliyaha Ciidanka Badda iyo difaaca Xeebaha Admiral Cabbaas Amiin Cali ayaa ka warbixiyay dib u habeynta balaaran oo lagu sameeyay Ciidamada Badda iyo qorsheyaasha lagu horumarinaayo.
Admiraal Cabbaas ayaa tilmaamay in labadii bil ee u dambeysay hoggaanka ciidanka badda oo kaashanaya taliska Ciidanka Xoogga ay sameeyeen qorshooyin muhiim ah oo lagu dardar gelinayo shaqooyinka Ciidanka Badda.
“Anaga oo fulineyna masuuliyadda uu Madaxweynuhu noo idmaday iyo tilmaamaha na horyaala waxaan bilaawnay in aan dib u habeyn ballaaran ku sameyno ciidanka oo ay ka mid yihiin qalabeyn iyo tababarro”.
Taliyaha Ciidanka Badda ayaa sheegay in ay muhiim tahay tayeynta ciidankeenna si ay awood buuxda ugu yeeshaan ilaalinta Baddeenna, arrinkaas oo haatan ay gacan ka geysanayaan qaar ka mid ah dowlaha taageera Soomaaliya.
