Ciidanka Booliiska Soomaaliyeed oo ku jira u diyaar garoowga sanad guuradii 75aad ee ka soo wareegtay markii la aas aasay ciidamada ayaa tijaabadii ugu weyneed ee diyaar garowgooda ku soo bandhigay xarunta tababarka ciidanka booliiska Soomaaliyeed ee Gen Kaahiye Ex Iskuula Buluusiya.
Sareeyayaasha, Saraakiisha, saraakiil xigeenada iyo Nuucyada kala duwan ee ciidanka Booliiska ayaan u kala harin diyaarowga.
Taliyaha Ciidanka booliiska Soomaaliya Sareeye Gas Bashiir Cabdi Maxamed ayaa ciidanka Salaan sharaf kaga qaatay barxada dugsiga tababarka ciidanka Booliiska ee Gen Kaahiye.
Dhalinyaro loo diyaarinayo ka mid noqosha ciidanka Booliiska ayaa qeyb ka ahaa tijaabada Diyaargarowga.
Sareeye Gaas Bashiir Cabdi Maxamed Taliyaha Ciidanka Booliiska Soomaaliyeed ayaa ciidank ku dhiira galiyay diyaar garoowga Xuska maalinta booliiska Soomaaliyeed
Haweenka ku jira Booliiska ayaa siweyn uga dhex muuqda diyaar garoowga, iyaga oo muujinayay sida ay uga go’an tahay ka soo dhalaalida doorkooda ku aadan xuska Maalinta Booliiska Soomaaliyeed.
