Ciidanka sida gaarka ah ee u tababaran ee Danab, ayaa howlgal qorsheysan oo ay ka fuliyeen degmadda Wanlaweyn ee gobolka sh/hoose waxay ku dileen Maleeshiyaad ka tirsan Kooxda Alshabaab.
Ciidanka Danab ee Xoogga dalka Soomaaliyeed, ayaa Maleeshiyaadkii ay dileen waxaa kamid ahaa Horjooge lagu magacaabi jiray Macalin jeelle oo ahaa Madaxa Maaliyadda Kooxda Alshabaab, waxaana Ciidanka qorshahooda uu ahaa inay gacanta kusoo dhigaan Horjooge Jeelle, balse waxuu isku dayey inuu is difaaco, sidaas ayeyna Ciidamada ku togteen horjoogahaasi, sida uu inoo sheegay mid kamid ah Saraakiisha Danab ee Howlgalkaasi gaarka ah fuliyey.
Wasiirka Warfaafinta, dhaqanka iyo Dalxiiska Xukuumadda Federaalka ah ee Soomaaliya, Mudane C/raxmaan Cumar Yariisoow, ayaa sheegay in Ciidanka Xoogga ay ku guuleysteen howlgalka ay ka fuliyeen degmadda Wanla weyn ee Gobolka Sh/hoose, isagoo Xusay in Dowladda Soomaaliya ay dhab ka tahay dagaalka Nabad diidka dalka looga xoreeynayo.
