Ciidanka Kumaandooska xoogga dalka Soomaaliyeed ee Danab oo xalay howlgal qorshaysan ka fuliyey goob ay gabaad ka dhiganayeen xubno ka tirsan Khawaarijta Al-Shabaab ayaa dilay ugu yaraan 13 dhagarqabe, howlgalkaas ayaa ka dhacay duleedka tuulo lagu magacaabo Yaaqdabayl oo ka tirsan Gobolka Jubbada Hoose.
Sidoo kale ciidanku waxay howlgalkaas Khawaarijta uga soo furteen hub culus, sida uu warbaahinta Qaranka u sheegay taliyaha guutada 16-aad ee ciidanka Danab Gaashaable dhexe Axmed Cabdullaahi Nuur Beeryare.
Taliyaha ayaa xusay inay joogteeynayaan howlgallada ka dhanka ah Khawaarijta.
