Wasiirru-dowlaha Wasaaradda Caafimaadka iyo Daryeelka Bulshada Xukuumadda Federaalka Soomaaliya Dr Matyama Maxamed Xuseen iyo wafdi ay hogaaminayso oo Soomaaliya ku matalaya shirka looga arinsanayo arrimaha Xeerka Caalamiga ah ee Suuqgeynta Beddelka Caanaha Naaska oo loo yaqaan “WHO Code”, kaasi oo ay soo qaban-qaabiyeen Hay’adaha WHO iyo UNICEF, laguna qabtay magaalada Geneva ee dalka Switzerland.
Wasiirka ayaa waxaa shirka ku wehelinaya Xildhibaan Nadra Saalax oo ah Guddoomiyaha Gudiga Arimaha Bulshada ee Golaha Shacabka, Agasimaha Waaxda Caafimaadka Qoyska iyo qeybta Wasaaradda u qaabilsan arrimaha daaweynta nafaqa-darada.
Xeerka Caalamiga ah ee Suuqgeynta Beddelka Caanaha Naaska ee loo yaqaan “WHO Code” ayaa ah hab-raacyo ay dejisay Hay’adda Caafimaadka Adduunka (WHO) si loo ilaaliyo loona horumariyo naasnuujinta, loona hubiyo suuqgeynta habboon iyo isticmaalka caanaha naaska. beddelka, sida caanaha dhallaanka.
Xeerku wuxuu higsanayaa inuu ka hortago horumarinta aan habboonayn ee beddelka caanaha naaska, taas oo si xun u saamayn karta heerarka naasnuujinta iyo caafimaadka dhallaanka.
