Ciidanka dalka Tuunis ayaa maanta u diiday guddommiyaha baarlamaanka dalkaas Raashid Ghannouchi iyo xubno kale oo ka mid ah baaralmaanka inay galaan xarunta baarlamaanka dalkaas
Arrintaan ayaa timid kadib markii madaxweynaha dalka Tuunis Qeys Saciid uu xalay xilka ka qaaday ra’iisal awasaarihi dalkaas sidoo kalena joojiyay shaqadii baaralmaanka .
Guddoomiyaha baarlamaanka Tuunis Raashid Ghannouchi ayaa ku eedeyay madaxweynaha inuu afgenbiyay dastuurkii iyo dimuquraadiyaddii ka jirtay dalka.
Guddoomiyaha ayaa intaas ku daray inaysan jirin wax u ogolaanaya madaxweynaha inuu kala diro baarlamaanka xaalad kasta oo lagu jiro, wuxuuna ballan qaaday in golaha baarlamaanaku sii wadan doono kalfadhiyadiisa.
